Då er hausten i full musikk med brask og bram. Lene Myhre Strand er vikar for hovudkorpset sin faste dirigent, Viggo Vea. Det går kjempebra! Nytt i haust er at hovudkorpsdirigenten også dirigerer juniorkorpset, medan Svein Olav Sandvik og Knut Emil Njøs deler på aspirantkorpset. Det er byrja 21 nye aspirantar i korpset dette året. Ikkje alle har fått plass i kulturskolen, men me har no fått instruksjon på plass for alle. Nokre av dei eldste i hovudkorpset trør til og andre har funne privatlærarar til sine born.

Det er vedteke at me skal styrka instrumentbehaldninga vår, at me må bruka midlar på reperasjonar og nye instrument. Det følger me opp så godt me kan denne hausten, men ser at det er naudsynt med stadig fleire fløyter og utskiftingar av nokre grovmessinginstrument. Me skulle jo ønska oss fleire instrumentgrupper i korpset. Er det verkeleg ingen som har lyst til å byrja spela horn, for ekesempel? Eller trombone? Og kvifor er det så populært med tverrfløyte? Hm… Kanskje me kan få svar på dette på foreldremøtet 21. september?

På det siste styremøtet før sommarferien vedtok styret å legga ut vedtak på heimesida. Dei fleste har vonleg fått med seg at hovudkorpset skal reisa på utanlandstur til neste sommar. I haust blir høgdepunktet 40 års jubileum og markering av dette med konsert og fest 29. oktober i Åsatun.  Då skal alle tre korpsa våre delta, gamle og nye musikantar  og andre gjester. Aktivitetane for hausten står skrive inn i kalenderen på eiga fane her på sida.

I tillegg vil ressursgruppa vår «Korpsets Venner» syta for noke kjekt og sosialt for nye aspirantar i løpet av september og organisera gruppeøvingar for hovudkorpset. I November startar salget av julekalender for hovudkorpset sine musikantar. Det er nytt – og er ein dugnad der all inntekt skal gå til korpstur. I tillegg skal me selga juleblomar som før – og forsøka få dei levert før adventstida tek til. Hovudkorpset er veldig nytt og ungt i år, med 14 musikantar som har rykka opp frå juniorkorpset. Dermed melder me ikkje på korps til Sotrafestivalen denne hausten. Me utset borteseminar (vonleg på Lonevåg) til helga før Hordablæsten og satsar på kjekt og sosialt heimeseminar før jubileumet vårt.

Følg med her på heimesida, så skal me gjera vårt beste for å halda alle oppdaterte!

STYREVERV:

Det har vore nokre endringar i styret i Åsane Janitsjar det siste året. No har me folk i alle verv fram til årsmøtet i februar 2012. Mellom anna har begge vararepresentantane våre overtatt styreverv. Derfor treng me to vararepresentantar til styret. Dei skal koma på styremøte dersom ein av representantane er forhindra frå å møta.  Det er ikkje mykje arbeid knytta til dette, men det kan vera ein god måte å koma inn i Åsane Janitsjar sitt arbeid på. Vararepresentantane kan vera frå aspirant-, junior- eller hovudkorps.

REISEKOMMITÉ:

 Åsane Janitsjar har vedtatt å reisa på utanlandstur med hovudkorpset  sommaren 2012. Me treng to-tre fleire medlemmer til ein reisekommité.  Styret sin representant, Eirik Farestveit, er leiar for kommitéen, ein korpspappa til er med – og to musikantar frå korpset. Kommitéen skal bestemma reisemål, utarbeida budsjett for reisa, legga planar for opphaldet og stå som hovudansvarlege for gjennomføringa (så dei som er med i kommitéen, bør nok vera med på turen og). Trur det blir kjekt arbeid!

Ta kontakt med Annelise Berger eller Eirik Farestveit  (sjå under styret)