|
JUBILEUMSKONSERT Åsane Janitsjar
i Åsatun, laurdag 29. oktober kl. 18.00
Det er 40 år sidan Ulset skolekorps blei stifta – og det er , saman med Eidsvåg skolekorps, utgangspunktet for det som er Åsane Janitsjar i dag. Ressursgruppa «Korpsets Venner» og festkommiteen inviterer til stor jubileumskonsert i Åsatun, laurdag 29. oktober. Dei nye aspirantane er med, juniorkorpset og hovudkorpset skal sjølvsagt spela, det blir solistinnslag frå gamle og nye medlemmer. Kanskje spelar musikantforeldra og? Gjester på konserten er Åsane Musikklag og Flaktveitgjengen Blandakor – og det er til og med k u l t u r d a g a r i Åsane som me er ein del av!
Etter konserten blir det korgfest for små og store i korpset – men det er ei anna historie… No ønskjer me først å dela med alle at me er så stolte over og glade for at mange, mange born og unge i Åsane har lært å bli flinke musikarar, å spela variert musikk frå alle ulike instrument og samstundes hatt så mykje kjekt i korpset vårt gjennom 40 år! |
